ayaw pangitaa ang kalipay
kon imo kining dakpon
idlas kini

ayaw dakpa ang alibangbang
mosutoy kini
palayo kanimo

lingkod lang sa daplin
sa hardin
unya dapit
moduol kini
mopatong sa imong
abaga

another one bites the dust

ingon sila
ang unang dakong sala nga mikuyanap kanato
mao ang pag-ingkib sa
mansanas

hangtod kanus-a ba kaha ang
pagbayad nato niini?

hangtod ba mahurot ang mga balas
sa dagat

ang atong kaliwatan ug ang ilang mga kaliwatan
padayon sa pag-inom
sa pagkaon niini


akong gihunahuna
basin kaha ug nasayop lang sila
basin kaha ug nasayop lang ang atong mga mata