3/24/2018

kataposang panihapon

midagan na ang mga adlaw
gukod sa kagabhion
samtang ang kinabuhi nahibilin
diha sa kahaw-ang.

daghang nahikalimtan
daghan pa untang bitbiton
nga gibilin sa nanagan.

milantaw ka sa batang bag-ong
nahimugso unya nahadlok kas
iyang kapalaran.

nangutana sila kon malipayon 
ba kitang duha
gidalit lamang nato ang usa ka
pahiyom

pagkadaghan pas mga sugilanon
nga atong gitago lamang.
kon isugilon man, para unsa pa
man? 

ang nahiuna nanugilon, nabasa, 
apan wala na mahisgoti bisan
gani niadtong kataposang panihapon.