Sa Mga Buot Matulog

Taas ang kagabhion
sa mga wa mahinanok
Lisod ang magpakaron-ingnon
nga nahulog na sa katulugon
Dili kalimdan mata nga nagbuka
hunahona nga galupad
lawas nga gikapoy

Limdi ang kaugalingon
sa takna sa kagabhion
Ayaw suonga bisan ang kadlawon
Did-i ang mga pilok sa pagpiyong
Ipha ang mga tiki sa imong bungbong

Sama sa inahan nga gapuwaw sa iyang puya
Lumsi ang kahilom diha sa pahiyom
Himoang adlaw ang kaadlawon
Aron ikaw ihatod sa katulugon

Yani