ang mga tigulang
kon magkagrupo na gani
naarag hisgot anang ilang mga sakit
og ilang mga tambal
naarag kwenta sa ilang galastohan
matag adlaw
naarag hisgot anang ilang mga anak
nga wala na diha
sa tumang kamingaw
pagkalooy gayod sa mga tigulang, og ako
nga nagsulat kabahin sa mga tigulang
nga nagkagrupo og naghisgot sa ilang mga sakit
og mga tambal og sa ilang mga anak sa tumang kamingaw
ania, gibatig kahadlok sa pag-abot na unya sa panahon sa akong pagkatigulang,
seguro, usahay, makapanghinuklog ko
mas maayo pa kaha'g dili na lang
ako matigulang.
