mahilig ka diay modula sa kote
anang gitawag nilag dula sa mga lalaki
dili dimalas ang imong pag-abot
kay ako anaay kote
sinaw, talinis ang lansang nga akong
gibutang sa tumoy niining
akong dulaan
taas kining akong kote
lig-on ang kahoy og kusog kining motalo
daghan na kinig gibuntog
nianang dula sa paitok og patuyoktuyok
gikopya ko lang ang kote sa akong papa
nga siging giselosan ni mama
kon gusto ka nga magdula sa akong kote
kuhaa lang sulod sa akong bulsa
apila ang hapos
aron dili mahilos