miabot na ang pagpanglaya sa mga sagbot
nianing panahon sa tumang kainit
ang mga pyuos dili na mamahimong mga bulak
kipot ang ilang mga ngabil
og mangamatay sila nga dili na makabungat
sa ilang mga pulong nianang pagpamusyak
ang akong gikahadlokan basin moabot na usab
masirad-an ang pultahan og wala na'y mangabri
dili na ako mangutana pa
dili ako manuktok
dili sab ko motingog.