LUTAW PANGANOD LUTAW

Lutaw panganod lutaw
Padayon sa pag-utaw-utaw
Sakay panganod sakay
Sigeha ang pag-ubay-ubay


Subay subay subay
Lagbas ning kawanangan
Bulahang mugna sa kahitas-an
Walay pagtukol walay paglihay


Walay pagtu-aw
Luwas sa tanang pagbugtaw
Huyop ug bul-og sa hangin
Buot lag dad-on mosugot lag ibilin


Maguba man ang imong bayhon
Gun-ubon ka man o bungkagon
Masinugtanon ikawng motipon
Sa ubang panganod nga sama mo gihapon


Lutaw panganod Lutaw
Padayon sa pag-utaw-utaw