kinsa ba si sarah sa imong kinabuhi?
nganong nagsubo ka man karon?
unsa bang halok ang gihatag niya sa imong mga ngabil?
hapwag ba sa pawikan ang iyang gihatag kanimo?
undangi na ang paghubog sa imong kasingkasing
kalimti na ang maot nga mga damgo
si sarah halas, ang iyang paak makalanag.
pagkataas sa akong mga pahimangno og ikaw nga
siging gayarok sa beer, og naharag na sa kahubog nga morag
barkong kalunuron diha sa tunga-tunga
sa lawod sa kusog nga pagkusokuso sa bagyong Berong
mitubag:
"Sarah, who?"