ayaw og too kanako
kay bakakon kong dako

mao kana ang tinood
napatik sa akong likod

ayaw pailad sa akong mga bukton
makamatay kana sama sa lukon

ayaw padala sa akong mga tutok
kay ikaw ako lang gipaitok

ayaw og pamati sa akong mga pulong
kay silng tanan puros nangasuhong

ayaw og katingala nga magsulti ko karon
inday, kanimo sa tinood nga ako bakakon

kay kon ako imong higugmaon gihapon
bisan pa sa akong pagkatinood nga bakakon

nan sa akong bakak nga gugma ikaw halaran
kay kanako bisan sa kabakakon motoo ka pa man

kay inday, ang tinood nga nahigugma
sa mga bakak dili na masakitan pa

kay ang gugma inday mapailobon, masinabtanon
kanunayng motoo, bisan og ang tanan nahimo nang mga tonto.