ang kawat kuno sa pipila ka milyon
mao rang kawata kon mangawat kag
usa ka rosa
sa hardin ni mama

pareho ra usab kuno kini
sa imong pagkawat sa usa ka gugma

pareho ra usab kuno kini
sa imong pagkawat nianang usa ka pan de sal
tungod sa imong kagutom

pareho ra usab kuno kini
sa imong pagkuot sa totoy ni mila
didto sa baylehan

pareho ra usab kuno kini
sa imong pagkawat sa usa ka halok

pareho ra usab kuno kini sa
imong pagpanapaw

pareho ra usab kuno kini sa
imong pagkawat og lemonsito aron ilimpyo
sa imong kuko

pareho ra usab kuno kini
sa imong pagkawat sa imong kalag gikan sa ginoo

pareho ra usab kuno kini
sa imong pagkawat og ice candy gikan sa usa
ka batang nalingat sa iyang pagtinda

og sa balot og sa chicharon og sa
panty og sa brief

og sa ilo og sa tissue og sa
bukog sa manok nga barbecue

apan dili gayod ako motoo.