makita nimo og madungog
ang matag adlaw nga awit sa usa ka tamsi
atbang sa imong bintana nga samin
sa usa ka punoan sa balimbing
nga karaan
tupad sa dakong kahoy nga lumboy
sa kilid sa bungtod
tupad sa bag-ong mitumaw nga adlaw

adlaw adlaw kini
walay sumo pawala sa kalaay
dili kaayo nindot apan tinood
dili kaayo halandomon
apan kanunay

mao kana ang akong balak alang kanimo