pensa, depensa
kawayan nga bangkaw
ang nag-alirong kanamo
niining gamay nga
balay nga gustong
maglain

dako ang katilingban
og kita dinhi
walay nada sa atong
pagtakuban

sama sa usa ka sundang
nga hait
apan nagpunay og tago
sulod sa
iyang sakuban
nga guban

lantaw ko sa unahan
dunay nagdula og volleyball
ang akong iro nga
si samsam mikiwil ang ikog
gustong moambak
paingon sa pikas

mora ko og malipong
sa ilalom sa itom
nakong payong