(alang kang Eddie)tupad ko ang kangitngit
gipungkoan ko ang samang kangitngit
gipugngan ko ang akong mga kamot
sa angay unta nakong buhaton
dugay na nakong tupad ang kangitngit
nga naghunghong kanako sa angay
nakong buhaton diha kaninyo
sa nadungog kong agik-ik diha sa dulom
wala nako mabuhat ang angay buhaton
gihapuhap ako sa sa mga kamot sa gugma
walay sama sa usa ka pagpasensya
sa usa ka pagpasaylo og dayon sa usa
ka pagpalayo
daghang salamat
walay mantsa ang akong kasingkasing
walay sala ang akong mga kamot
gaan ang akong dughan
nga mosugat sa akong ugma