nag-abot ang ilang mga damgo

wala malisang ang puti nga ulod
nga nagkamang sa dahon
sa dihang miabot ang
gutom kaayo nga
madremadre,

unsaon dugay na nga nagdamgo
ang puti nga ulod nga mamatay diha
sud sa baba sa madremadre nga
taas kaayog dila
og ang madremadre usab dugay
nga nga nagdumot nga makatukob anang
puti nga ulod nga hinay kaayong nagkamang
diha sa lapad og sinaw nga dahon

nindot tan-awon ang mahitabo
sa mga damgong nagsebo