dayon
handomon mo ang mga tipaka

simhuton mo pagbalik
ang salag

balikan mo ang sanga
og ang mga damgo

kabahin sa panganod
kabahin sa dagat

apan dili ka magdugay
nianang pagbalik

layo pa ang panaw
og ang imong mga pako

lig-on pa gihapon
ang imong mga mata

hait pa
ang imong kasingkasing

samdan
apan kamao pa gihapong

moawit
bisan sa tungatunga sa

ulan bisan pa
kon ang hangin dili na

kabalong
moduyog sa imong kasubo.