pagsulat kabahin sa katahom

sinaw ang dahon
sa nangka

akong gikutlo
akong gisubay ang

mga ugat
sa dahon sa nangka
nga sinaw

dahon lang kini sa
nangka nga sinaw

walay kalainan sa
laing mga dahon

apan ako kining gikutlo
og akong gisubay ang

mga ugat sa dahon sa
nangka nga gasinaw

nga akong gihanyag
sa kasanag sa kahayag

sa adlaw sa sayong
kabuntagon samtang

nagtindog ko atubanga
sa linaw kaayong dagat

gikumot ko ang dahon
sa nangka og ako kining

gilabay sa silong sa among
balay diin nagpasad ang

mga bato nga gikan sa
lubog kaayo nga suba

mao kini ang akong gisulat
kabahin sa katohom

mao kini ang akong gibuhat
kabahin sa katahom

nagsakit ang akong dughan
apan dili ko na kini maambat