ang dakong panghitabo sa kinabuhi sa mga hulmigas

ang mga hulmigas
naghimo og imperyo sa kilid
sa dakong punoan
sa mangga

sud sa palasyong bonbon
gitago ang mga itlog sa ilang rayna
og ang tanang mga sundalo
abtik kaayo sa pagbantay
og ang tanang mga trabahante
kugi sa paghakot sa mga mumho
aron ipakaon kanila

sa usa ka dakong pagbanos
sa ulan
usa ka gabii niana
gibanlas ang tanan
nawa ang imperyo
nawa ang rayna