pagpanamin

nakaagi ka na ba nianang
paglabay sa adlaw
nga ikaw wala makapugong
sa pagpamakak
og sa gabii wala ka makatulog
nag-alipasa
ang imong konsyensya
nagligid-ligid sama sa usa ka
bato gikan sa
bakilid nga bungtod
og sa imong pagpanamin sa
sayong kabuntagon
ang imong nakita mao ang imong
nawong nga nahilis
morag kabo nga plastic nga
nasunog

gitiklop nimo ang samin
og nabati nimo ang kaulaw
sa imong
kaugalingon