kaparotan

pakyas ka na ba
usab?
kapila na ang imong
kaalautan?
makadaghan na
nadam-ag
napiang
nabalian og bukton
nabalintuwang
ang huna-huna
nasamdan

sakit pa ba?
ah, dili na oi
kasabot na ko sa sulti
sa kasakit
sa pasalig sa kahapdos
nag-ihap kini og mga bulan
og adlaw
og naghisgot og kahayag
giamigo niini ang mga ulan
og nakigsabot sa mga dag-om
nga ugma damlag
dili na makadulot kanako
ang unot sa
kalipay
nga dili na ako mauwat
nianang iyang
mga saad
kay ako nalig-on na
diri sa kangitngit
og kahilom
og dili na ako manumbaling
bisan unsa pa
nga moabot og
mogikan