sa lubnganan

sila nga miuna kanato
wala mobalik
kita sa usa ka panahon
mibakho

kita nga nangabilin
pagkalaalaot
kon gihambin pa gihapon
nato ang ilang
mga kasal-anan

ania kita sa kangitngit
nga ilang kabilin
busa gidagkotan ta ang
mga kandila
aron motigbabaw ang
kahayag

gihalad ta ang mga bulak
aron unta sila
magpabiling buhi
apan sayri ako ayaw
wala na silang tanan
kay nangalaya
nangadugta

og busa dinhi niining
sam-ang
wala kita'y laing gihamgab
gawas lamang
ang bugnaw
nga hangin