sa pagbasa sa mga balak nga dili nako masabtan

aron malingaw
nagbasa ko sa mga balak nga iningles
nga og buot kwentahon
wa koy nasabtan
o ug duna man ugaling
medyo gamay lang seguro
morag og sa cake pa
icing lang
ang akong natilawan

apan bisan pa og gamay lang
ang nasabtan
naay gilok sa kasingkasing
nga nakapaaghat niini
og sayaw
nga morag naglutaw
sa tubig nga mabaw
nga dili gayod kapugngan
bisan og haskang bugnawa
pa sa
kaadlawon