alang sa balak...

ning bugnaw nga kaadlawon
ania ako
mitago kanimo, usa ka ka lawak
nga naghatag kanako
og kainit,
balay ka sa akong pagbati
ikaw ang mga bukton nga
akong gakson
kon ako usa ka hapdos
nga samad sa kapalaran
ikaw ang akong higala nga
kanunay nakighinabi kanako
kon ang tanan
nagbudhi na kanako

alang kanimo dawata kining
giipis kong bino
sa silong sa bulan
kitang duha og ang akong anino
isip ikatulo
maglala og mga banig
sa atong mga damgo