miingon siya:>
ania ang init nga bingka
imo kini apan dili mo kini kaonon
lantawon mo lang
hangtod nga kini mabugnaw
bantayan mo kini
batok sa mga hulmigas og langaw
initon mo kini
sa matag adlaw
aron dili mabaho aron dili
amagon
oo, imo kini apan dili kini
para kaon
lantawon mo lang
sa gabii sug-an mo kini
aron dili tugdungan sa
lamok
mahimong ang iyang anino
maoy imong hiwaon
kana, kana mao lang ang imong
kan-on
No comments :
Post a Comment
Lami ba?