usahay makaingon ta og
unsa kahay atong sakit nganong
sa pagsugod pa lang gani sa estorya
mi-sign off na man siya?

ah basin og talawan lang gyod siya
di kaharong sa
mga katarungan,

ah basin og hubog lang siya
hadlok sa mga duol og klaro

ah basin og
nawala na siya og ang iyang kamot
nangapkap pa gihapon sa
kahayag nga kaganiha
lang
ania pa unta dinhi

ah basin og di lang gyod siya ganahan
og katagay

basin og gusto na niyang magpakamatay
diha sa
pag-inosara?