sa akong paminsar
walay kalooy si Dodong sa pagpataas sa
edad sa iyang Nanay
nga naputlan na
una sa kumagko
dayon sa tuhod
hangtod na
sa baligkawang
hangtod nga dili na kini
kasulti
o katug-an kon asa
dapit ang sakit
ang ngutngot
ang pait

sa akong kabahin
didto sa akong gamay nga balay sa ibabaw sa bungtod
akong gipalupad ang mga puting salampati
og wala nako sila ingna
nga mobalik

pagkaanindot sa hangin
nga lumalabay lamang