abog lamang ako

abog lamang ako
nga pipila na kahigayon
mitapot sa imong
panit nga bisag imong
gitaktak dapit sa
pultahan
wala gayod mahulog

nabasa ako sa tubig
naanod
mitapon sa suba
ug nahimong lapok

niadtong hulaw
nauga ang suba og ako
nga lapok
nahimo na usab nga yuta

mibalik pagkaabog
ug karon nagpaabot nga
unta mapalid diha
balik sa imong
panit
diha dapit sa bagtak
duol sa imong
paa