pagpuyok sa pultahan

kon sarado ang pultahan
katkat sa atop
pagbuho

kon lig-on ang atop
sulayi ug guba ang trangka sa
bintana

kon lig-on ang trangka sa
bintana
sulayi ug ukang ang salog

kon dili maukang
sulayi ug ukab ang bongbong

kon dili maukab ang bongbong
baliki ang
pultahan

tarong ug saka sa hagdan
kanang mora ka
ug usa ka bisita nga
dalaga nga
moayong mokiay

kihati ang trangka sa
pultahan
hikapa sa imong mga tudlo
kanang morag
itlog ni Momoy nga giugay
ni Mamay

mahibaw-an nimong
mangabri na kini unya
kon motuskig na ang
ang kandado
niini