kinaiyahan

nalimtan ko lang seguro
ang mga balak sa katahom
ang mga pulong nga ihalad
ko sa kaanyag
sa akong palibot

nawala seguro ako
diha sa pagkadaghang liko-liko
sa dalan sa mga
kasakit

balikan ko ikaw
nga nagmatuto kanako
dihang ako
imong gihimugso

balaanon ko na
ang kaanyag ang katahom
ang palibot
ang kinaiyahan

ngano bang
sa kadugay
wa ko man kini
makita?