diha sa imperyo sa kahilom

gitipigan ko ang 

dili mo gusto

kadtong mga puti

nga buwak sa kilid sa bintana

gipatara ko sa adlaw

sa tubig gihidlaw

sa yanong panginabuhi

wa ta kinahanglana ang pari

kon magbungol ta

walay miul-ol kanako

mapugos kita pagtingog

kay wala na kitay laing pang buhaton

kon magkasinabot pag-usab

mag-inom ta sa usa ka tasa

nga sikwati diin gipangita

mo na ang kapait kaysa 

naandang katam-is

ako nangandoy gihapon

sa mga hulmigas nga

naa sa imperyo sa kahilom