pag-abot sa usa ka pagpamilok lamang

kitang tanan
baya
nalisang

angayon gayod
kitang
malisang

dalhon kuno sa
umaabot diha sa iyang
gakurog nga
kamot ang mga
katalagman

nakatawa ako
sa akong hunahuna

kay inig-abot sa
takna
sa saktong takna

kinsa pa bay
makakita nga kita
nalisang

kinsa pa bay
makasulti kon giunsa
nga kitang
tanan
nangalisang

usa lamang ka
pagpamilok ang tanan
karon

kalisangan ba
kini?