ang atong gibilin
akong gilantaw una
ako mipahawa
mga puthaw nga
lingkoranan
sa ibabaw sa
balili nga
pinutlan
akong gibati ang
dakong kahilom sa
ilang
pagpabilin
seguro gusto nilang
mobabay kanato
dili sila sama kanato
kay wala silay baba
wala silay mga kamot
puthaw sila
bugnaw kaayo diha
sa ilang
kalig-on diha sa
dili pag-ambat sa
atong
gibati
No comments:
Post a Comment
Lami ba?