kapitan sa barko

ayaw kahadluki
ang salimuang

dayga kanunay
ang imong mga
pagbati

sakay sakay
sa balod sa gugma

kon malunod
langoy sab
panalagsa

kon malukapa
ayaw palupig
bangon

tunla ang kahiubos
usapa ang
giingon nilang
kaulaw

lig-una ang
ang imong mga
timon
kay ikaw ang
imong
sakayan

ikaw gihapon ang
gibantog nga
kapitan
ug silang tanan
mao lamang ang
mga pasaherong
tabian

[nga pwede nimong
ibalibag
ug ilawog sa
dakong
baba sa
halab nga
unos

inig-abot sa
dakong
bagyo]