kitang duha

gidagit mo ako
ug nagpadagit sab ako

walay
problema
di ba?

mag-unsa man god
ang halok
kon usa lang ang
nawong?

sama sa pakpak
kataw-anan kon diha mo
lamang kini
idap-g sa bongbong

dagita ako
kay dagiton ko usab ikaw

sama sa pagduot mo kanako
moduot usab ako
diha kanimo

mao kini ang buhat
sa kalipay

asa man god ang
sala
di ba anaa lang kana
sa hunahuna?

gugma batok gugma
pagkahamubo gayod
sa panahon

ug bisan sa paghisgot
lamang
dako na kaayo ang
atong giusikan