ang mayor kanhi sa syudad nga karon mokandidato pagkagobernador

naputi na
intawon ang iyang
buhok
sa pagpamuyok

mitaas ang iyang
suwang
sa pagtabon
tabon sa
mga uwat
nga tagaliog
na sa kabuang

walay migilak
nga bitoon sa
iyang duha ka
matang kunuhay
maampoon

patay ang
lam-aw
didto
sa tunga
sa iyang kalimutaw

bisag dili mokurog
ang iyang
dila sa pagpunay
ug bungat sa
makakuryente
nga mga pulong

apan ang iyang
simod
dili na gayod
kalimod

nga ang iyang
kasingkasing
mas gahi pa
sa akong ulo
nga sigi sang
yangoyango
sa iyang
pagkakuronto