sa dihang miabot ang gugma

sa dihang wa pa miabot ang
gugma
adunay dakong lilo sa
imong kasingkasing
unya
nagtuyok-tuyok ka
lamang
sa imong
gilingkoran

sa dihang miabot na siya
nga naghambin ug gugma
alang kanimo

mihunong ang lilo
napondo ka
samag usa ka barko nga
nakadunggo na sa iyang pantalan
unya adunay usa ka pasahero
nga nalimtan ang gidala
nagdagan nga minaog

gitagbo siya sa gugma
ug naghalog silang duha
sa kalibotan nga ila
rang duha