pagpasabod

lisod baya pod kining
gitawag ta ug gugma karon
kay ug wala kay kwarta
mohupas diay ang gugma

mora kinig mga langgam
nga nagtapok sa imong
nataran sa dihang gisabwagan
nimog mga humay apan
pagkahurot niini nanglupad
kini palayo na usab kanimo

mora kinig mga manok nga
ug magsabod ka magguot gayod
diha sa silong sa inyong balay
ug sa dihang mahurot na ang
sabod manglakaw kini
aron mangita ug asa sila
mabusog og mabuhi