sa tubig sa lapok sa sagbot

ang akong gisulat kon
tatawon dili kini sila gikan
kanako

sa matag litok mo sa pulong
mosulod usab kini sa akong
hunahuna ug unya matan-ogan
kini apan dili malata kay
pagkaugma litokon ko usab
kini alang kanimo

sama kini sa halok diin ang
mga dila makig-ila-ila kanato

sa matag ulan anaa ang sayaw
ug sa matag sayaw anaa ang
pagtampisaw sa atong mga tiil
sa tubig sa lapok sa sagbot