pagpanglood

mora ka mag
signal sa wifi ning among gamayng lugar
nagwalawala
unya kon moabot man ugaling
morag bao
haskang hinaya

kon kanus-a ka gimingawan
wala ka
kon kanus-a ka gisalikway na unta
miabot ka man hinoong
amawa ka

karon nakat-on na ako
nga mabuhing nag-inosara
gisirad-an ko na ang pultahan
ug ang mga bintana

ayaw ako ug apasa
aduna ako'y lakaw
paingon sa lugar sa kalipay
ug wala kay labot
kabahin niini