sa tanan ug sa tanan gayod.

ang kalalom
sa gihulugan sa uban
diha sa mga dili
atabay
ayaw ug tugkara
kay basin unya
sa mga dili angayan
ug bililhon
maapil ka ug
kalumos

sagdi lang
moabot ra ang tukmang
panahon
alang kanimo

ang pagkahulog
mo nga
sagolan sa usa
ka lalom usab
nga pahiyom

ang kalalom niini
masabtan mo ra

kapila ka ba ingnon
ni nanay
nga adunay kalalom
nga ang ganghaan
atua sa laing
pultahan

laing unang kahayag
nga mahimong
makapalimot nimo
sa tanan ug sa
tanan gayod.