PAGTANOM UG PAGPASILONG

gitanom ko
ang kadasig
diha sa usa
ka pulong

sa abonong
kasingkasing

mitubo kini
nananga
nanahon
milabong
ug nahimong
usa ka dakong
kahoy

kon mamunga
kini
maayo
kon dili man
ugaling
maayo lang
gihapon

wala koy
gidahom pang
lain

gawas lamang
nga ako
makapasilong

ug dinhi sa pulong
nga nahimong kahoy
kita magsulat
magbasa

pistahan ta ang
atong mga kahilom
ug yak-an ta
ang atong mga
katawa.