pahimangno nga balak gikan sa usa ka sawa

ayaw paduol kanako
palihog lang
lahi ako,
bisan ug hapohapon
mo ako
sa tumang pagpangga
mopaak gihapon
ako
kay mao kana ang
akong naandan

palihog
ayaw ako duluti nianang
imong gugma
kay bisan ug unsa pa kana
ka tinood
tukbon ko gihapon ikaw
sama
sa akong
tanang mga gihigugma
kaniadto

sa akong pagbalos
sa ilang pagmahal
aron dili na sila mawala
kanako
ako silang
gitago sulod sa akong
tiyan