tiguwang nga mamaligyaayg kandila sa kilid sa simbahan

lisod gayod diay ang
tinooray nga pagpakabuhi

wala mangambat ang tiguwang
nga namaligya ug kandila
didto sa pultahan sa simbahan
samtang ako kang
giingnan kabahin niini

kita nako hinoon sa iyang
baba ang iyang gihiktan nga
pahiyom
daw gustong mobiaybiay
kanako

ako nga bag-og sapatos
unya gagilak ang singsing
sa akong tudlo

unya ikaw sab
nagdalidalig pangurus
kay naulahi na kita
sa misa