mapasalamaton sila sa imong kaayo

daghang langgam ang
mohapit ning lugara

sa buntag ang gisabod
nga humay
hinay hinay nilang
gituka

ang tubig sa paya
ilang giinom

gawasnon nga mga
langgam ang imong
gipakaon

ikaw nga nagsubo
nasina sa ilang kalipay

ikaw nga nagpugong
nangandoy sa ilang pagkagawasnon

daghang langgam ang
miawit alang kanimo

mapasalamaton sila sa
imong kaayo