nakasabot ang baki
nga dili na malipayon ang iwon
ning hulaw nga panahon

ang baki nagpakatakos
pagpatakod sa iyang pito ka
paglaum
sa pag-abot unya sa usa
ka taligsik

ang hulmigas nga pula
kanunayng naglakaw
nag-aninaw nga bisan og
unsay mahitabo
mahulaw man o ting-ulan
mabaki man ang iwon
magsigi lang gihapon siyag
tigom

kon ngano
abi mo
wala baya usab siya masayod
niini