sa unang higayon
maamgohan mo nga lahi
ang imong kalibotan

(nindot kini
walay kasamok
malinawon kini kaayo
sama sa dahon sa
kagabhion)

ayaw og ambak
padayon sa pagsalig
sa imong mga tiil
ayaw og samoka ang
imong mga kamot
ayaw linglaha ang
imong mga mata
ayaw samdi ang imong
kasingkasing

kini ang imong kalibotan
nanirado apan habog
ablihan ang bintana
sa matag tuwak sa ulan
lamang
ablihan ang pultahan
kon ikaw mogawas
dili kini makadungog
sa tuktok
aduna kini dunggan
nga mamati

ikaw lamang
og ikaw lamang

di matandog sa
tun-og
hinog diha sa
pagtan-og
wala gidali-dali
wala sa tigmi