gipasidunggan niya ang mga nagpakahilom pinaagi sa mga bitoon

dili man tanang misubay
sa maayong dalan adunay gibuhat

adunay misimang nga pag-abot
sa lugar diin wala kaabot didto ang
mga bantugan
og mga buotan

nabuhat ang wala sukad nabuhat
nga sa mata ni Bathala
usa ka hingpit

adunay misanong sa pulong lamang
adunay walay tingog apan nagbuhat
sa wala mabuhat sa mga misanong

daghang amang, daghang buta,
daghang bakol

apan puros naghatag og kalipay
ni Bathala

nga sa walay tingog-tingog usab
nakakita sa pagkahingpit
sa usa ka tawo

dinhi mipahiyom siya sa Hangin
mipabati siya sa kainit diha sa Adlaw
dinhi gimahal niya ang tanan
pinaagi sa bulan
dinhi gipasidunggan niya ang mga
nagpakahilom pinaagi sa mga bitoon