hangyo

ang dili mahimo

nganong pugson?

itugyan ang tanan

diha sa katulugon

hangpon ang tanan

sa hangin

ablihan ang mga

bukton og ang

mga kamot

ipalupad ang

pispis

ugma kon makita

mo kini nga

patay na sa dalan

tupad sa usa ka

nahulog usab nga

dahon

nga humod sa

yamog og

sa ulan

ihatag daklit ang

panglantaw

ihalad ang usa

ka pagduko

sama sa pagyukbo

dayon

padayon

padayon sa

lakat sa kinabuhi

kuyog ang

kamingaw og

ang anino

nga imong

amigo

bisan kon

gimahal mo ang

kahilom

pakigsultii usahay

ang dili

motubag