duyog sa imong kapakyasan

dili angayan nga tagboan nako
ang kapakyasan sa pipila ka pulong 
nga sama sa mga mayana himoong
hampol sa kahapdos, dili gayod, dili
kini makatabang, maong,
kaganiha samtang nagkita ta
wa ko maghisgot kabahin sa 
nahug nga bata sa iyang duyanan
sa mga nabuak nga plato didtos
kusina sa mga tasa nga nabugnawan
na lang sa iyang kape, 

sa duha, ang pagpakahilom og ang
paglikay sa kamatooran pinaagi da
pagkab-ot sa langit og pagputol sa
kawayan aron ikuhit sa hinog nga
bulan, akong gipili ang nahauna, 
gikalipay ko nga sa atong panagtagbo
giwagtang usa nato ang atong panagkaila.