emotero

ang akong tinagoan
akong gibalhin ang butanganan

bug-at na man god sa akong dughan
busa akong gisalagan sa tumoy sa pangpang

kon magkita ta sa patag
uga pa sa sapa sa hulaw ang akong panagway

ang akong apapangig mas mitikig
ilang tawag nako , ngilngig

wala na ang pagbati, dili na ko moiyak
dili na sab ko mokatawa, abi kog human na

bisan unsaon, ikaw man lang gihapon
ang giyubit ning dughang morag nahimong

usa ka lubnganan sa patay.