buta gayod ang gugma

kay ang gugma
matang nagpiyong
bisag ulan
di mangitag payong
sulayig buka
mawa ang gugma

kadtong nagbuka
mangingilad
patakag bungat
nga siya gugma

kay ang gugma
gikapoy
sa imong hilot
nanimhot

lahi kini siya
gilabay ang kaalam
giputol ang pako
gibanlas ang utok
walay rason
nagpaitok

di ko gustong ikaw
ang gugma
apan nganong ikaw
man gihapon?

haskang yawaa
haskang bugoa
ako ang gugma
kanunayng buta